អភិបាលខេត្តកំពង់ធំ បានអញ្ជេីញចុះចែកអំណោយមនុស្សធម៌ជូនដល់ចាស់ជរា ជនពិការ ស្រ្តីមេម៉ាយ ស្រុកប្រាសាទបល្ល័ង្ក
btshotnews
ខេត្តកំពង់ធំ: លោក សុខលូ អភិបាលនៃគណៈអភិបាលខេត្តកំពង់ធំ ប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ធំ
បានអញ្ជើញដឹកនាំក្រុមការងារ ចុះចែកអំណោយជូនដល់ជនពិការចាស់ជរាគ្មានទីពឹង ស្រ្តីមេម៉ាយ ចំនួន៣ទីតាំង ផ្សេងគ្នា ក្នុងស្រុកប្រាសាទបល្ល័ង្ក ខេត្តកំពង់ធំនាវេលាព្រឹក ថ្ងៃទី១២ ខែមិថុនាឆ្នាំ២០២០ម្សិលមិញនេះ។
លោក វណ្ណៈ សោភានិត អភិបាលស្រុកប្រាសាទបល្ល័ង្ក បានមានប្រសាសន៍ថា នៅក្នុងស្រុកប្រាសាទបល្ល័ង្កមានប្រជាពលរដ្ឋងាយរងគ្រោះត្រូវបានទទួល អំណោយរបស់សាខាកាកបាទក្រហមកម្ពុជាខេត្តកំពង់ធំ ត្រូវបានចែកជូនដល់ប្រជាពលរដ្ឋ ចំនួន២៩១គ្រួសារ មកពី៧ ឃុំ ក្នុងស្រុកប្រាសាទបល្ល័ង្ក ក្នុងនោះមាន ឃុំដូង៣៥គ្រួសារ ឃុំសាមគ្គី២៧ ឃុំក្រយា៦៨ឃុំសាគ្រាម៣៥ ឃុំផាន់ញឺម៣៣ ឃុំសាលាវិស័យ៤៦ ឃុំទួលគ្រើល ៤៧ ក្នុងមួយគ្រួសារទទួលបានអង្ករចំនួន២៥គីឡូក្រាម ទឹកត្រី ទឹកស៊ីអ៊ីវ ត្រីខ សាប៊ូ ច្រាសទៀតផង។
លោក សុខលូ អភិបាលខេត្ត កំពង់ធំ ប្រធានគណៈកម្មាធិការសាខា កាកបាទក្រហមកម្ពុជាខេត្តកំពង់ធំ បានថ្លែងថា សម្រាប់ខេត្តកំពង់ធំដែលមានចំណាកស្រុកឪ មកពីប្រទេសថៃ ៦១០០នាក់ តើពុំទាន់រកឃើញ ឆ្លងមេរោគ covid-19 ឡើយ ក៏ពុំទាន់មានអ្នកស្លាប់ដែរ។
លោកអភិបាលខេត្តបានថ្លែង ធ្វេីការផ្តាំផ្ញើដល់បងប្អូនប្រជាពលរដ្ឋទាំងអស់ ឲ្យថែរក្សាសុខភាព អនាម័យឲ្យបានល្អដោយអនុវត្តន៍តាម ការណែនាំរបស់ក្រសួងសុខាភិបាល កាត់បន្ថយការជួបជុំគ្នា លាងដៃនិងសាប៊ូ ឫអាល់កុល ដើម្បីការពារនិងទប់ស្កាត់ការឆ្លងរីករាលដាលនូវជំងឺមេរោគដ៏កាចសាហាវនេះ ខណៈពេលដែល មេរោគកូវិដ១៩នេះ បានឆ្លងទៅលើមនុស្សនៅលើពិភពលោកនេះ ជាង៧លាននាក់ និងបានសម្លាប់មនុស្សជាង42ម៉ឺននាក់៕
ក្នុងនោះដែរ លោកអភិបាលខេត្តកំពង់ធំ បានអំពាវនាវឲ្យមាតាបិតា អាណាព្យាបាល រួមទាំងក្រុមយុវជន ទាំងអស់ចៀសឆ្ងាយពីគ្រឿងញៀន ព្រោះគ្រឿងញៀនជា អាវុធបំផ្លាញអនាគត បំផ្លាញសុខភាព និងសង្គមជាតិ ដូច្នេះសូមកុំគិតថា បញ្ហាគ្រឿងញៀនជាតួនាទីរបស់សមត្ថកិច្ច ឲ្យសោះ គឺត្រូវចូលរួម ការពារទប់ស្កាត់ ទាំងអស់គ្នា មិនឲ្យមានគ្រឿងញៀននៅក្នុងមូលដ្ឋានរបស់យើង៕