ជនបរទេសចំនួន១១នាក់ សម្បថចូលសញ្ជាតិខ្មែរ នៅតុលាការកំពូល
ភ្នំពេញ ៖ តុលាការកំពូលបានរៀបចំពិធីស្បថចូលសញ្ជាតិខ្មែរ ដល់ជនបរទេសចំនួន១១នាកាលពីរសៀលថ្ងៃទី៨ ខែកក្កដា ឆ្នាំ២០១៩ ក្នុងតុលាការកំពូល នៃព្រះរាជាណាចក្រកម្ពុជា ក្រោមវត្តមានលោកបណ្ឌិត ជីវ កេង ប្រធានក្រុមប្រឹក្សាសម្បថ និងជាអនុប្រធានតុលាការកំពូល។
ជនបរទេសចំនួន១១នាក់ ភាគច្រើនជាជនជាតិចិនបានស្បថ ចូលជាសញ្ជាតិខ្មែរ បន្ទាប់ពីព្រះមហាក្សត្រ ព្រះប្រទាន ព្រះរាជក្រឹត្យឲ្យរៀបចំឲ្យធ្វើសម្បថ នៅចំពោះមុខតុលាការកំពូល ដើម្បីបំពេញនីតិសម្បទាជាជនជាតិខ្មែរតាមគោលការណ៍ និងនីតិវិធីកំណត់នៃច្បាប់សញ្ជាតិ។
លោកឧត្តមសេនីយទោ ឱក សំណាង បានឲ្យដឹងថា ជនបរទេសចំនួន១១រូប ដែលបានចូលសញ្ជាតិខ្មែរ រួចហើយនេះ បន្ទាប់ពីព្រះមហា ក្សត្រខ្មែរ ទ្រង់ព្រះប្រទាន ព្រះរាជក្រឹត្យឲ្យរៀបចំឲ្យធ្វើសម្បថ នៅចំពោះមុខតុលាការកំពូល ដើម្បីបំពេញនីតិសម្បទាជាជនជាតិខ្មែរតាម គោលការណ៍ និងនីតិវិធីកំណត់នៃច្បាប់សញ្ជាតិ យោងតាមមាត្រា១៦ មាត្រា២៧ នៃច្បាប់ស្តីពីសញ្ជាតិ គ្រប់ជនបរទេសដែលបានចូលសញ្ជាតិខ្មែររួចហើយតាមរយៈព្រះរាជក្រឹត្យ ត្រូវតែធ្វើសម្បថនៅចំពោះមុខតុលាការកំពូល។
សូមបញ្ជាក់ថា ព្រះករុណាព្រះបាទសម្ដេចព្រះនរោត្ដមសីហមុនីព្រះមហាក្សត្រ នៃព្រះរាជាណាចក្រកម្ពុជា ទ្រង់សព្វព្រះរាជហរទ័យ ព្រះប្រទានព្រះរាជ្យក្រឹត្យឲ្យជនបរទេសទាំង១១រូប បានចូលសញ្ជាតិខ្មែរចាប់ពីថ្ងៃនេះតទៅ៕