ក្រុមក្មេងទំនេីង១៨នាក់ ត្រូវបានសមត្ថកិច្ចធ្វើការឃាត់ខ្ល្នន រួមទាំងម៉ូតូកែច្នៃខុសលក្ខណ:បច្ចេកទេស១២គ្រឿង !

btshotnews
បាត់ដំបង៖ អនុវត្តន៍តាមបទបញ្ជារបស់លោកឧត្តមសេនីយ៍ទោ​ សាត​ គឹមសាន ស្នងការនៃស្នងការដ្ឋាននគរបាល​ខេត្តបា​ត់ដំបង​ ក្នុងការបង្ក្រាបទប់ស្កាត់រាល់បទល្មើសនានាដែលកើតមាននៅក្នុងមូលដ្ឋានដែលខ្លួនទទួលខុសត្រូវ ដើម្បីរក្សាអោយបាននូវសន្តិសុខ សណ្តាប់ធ្នាប់ ជូនប្រជាពលរដ្ឋ។

ជាក់ស្តែងនៅថ្ងៃទី០៧​ ខែ​មករា​ ឆ្នាំ​២០២១​ វេលាម៉ោង​ ១៥និង៣០​នាទី​ រហូត​ដល់​វេលាម៉ោង​ ២០និង០០​នាទី​ លោកវរសេនីយ៍ឯក ឈឿង គឹមសុង ប្រធានការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តបាត់ដំបង បានដឹកនាំកម្លាំង​ក្រុមអន្តរាគមន៍​ បង្ការ​បង្ក្រាប​ បានចុះប្រតិបត្តិការបង្ក្រាបករណី ក្មេងទំនេីង​(​ កែច្នៃ​ម៉ូតូ​ខុស​លក្ខណៈ​បច្ចេកទេស​ និង​ដាក់​បំពង់​ស៊ីម៉ាំង​បំពង​សំឡេង​លឺ​ខ្លាំង​)​ និង​បាន​ធ្វេីការ​ឃាត់​ម៉ូតូ​ចំនួន​១២​គ្រឿង​ និង​មនុស្ស​ ១៨​នាក់​ មក​កាន់​ស្នងការខេត្ត។

ក្រោយពេលឃាត់យកមកពិនិត្យឃេីញថាម៉ូតូទាំង១២គ្រឿងក្នុង​នោះ​មាន​ ម៉ូតូ​កែច្នៃ​ស៊ីម៊ាំង​លឺ​ខ្លាំង​ ចំនួន​០១​គ្រឿង​ ;​ម៉ូតូ​ដោះ​ស្លាកលេខ​ ចំនួន​០៨​គ្រឿង​ និង​ម៉ូតូ​គ្មាន​ឯកសារ​ចំនួន​ ០៣​គ្រឿង​ ដែលម៉ូតូទាំងអស់នេះមានលក្ខណៈមិនត្រឹមត្រូវលេីចំណុចផ្សេងទៀតដែល​ផ្ទុយពីច្បាប់ស្តីពីចរាចរណ៍ផ្លូវគោក។

ហើយក្រោយពីធ្វើការឃាត់ខ្លួនសួរនាំរួចមក ក្រុមក្មេងទំនើងទាំង១៨នាក់ រួមនិងម៉ូតូ១២គ្រឿង ត្រូវបានការិយាល័យនគរបាលព្រហ្មទណ្ឌកម្រិតស្រាល បានរៀបចំប្រគល់អោយទៅការិយាល័យនគបាលចរាចរណ៍ផ្លូវគោក ដើម្បីអនុវត្តដោយអប់រំណែនាំដល់ម្ចាស់ម៉ូតូឱ្យឈប់ប្រព្រឹត្តសកម្មភាពបែបនេះ​បន្តទៀតនិងតម្រូវឱ្យប្តូរស៉ីម៉ាំងម៉ូតូអោយបានត្រឹមត្រូវរួចធ្វេីការផាកពិន័យទៅតាមអំពេីល្មេីសច្បាប់ស្តីពី​ចរាចរណ៍ផ្លូវគោកមុនពេលប្រគល់ជូនអោយត្រឡប់ទៅលំនៅដ្ឋានវិញ៕