btshotnews
ភ្នំពេញ: កម្លាំងនាយកដ្ឋានព្រហ្មទណ្ឌកំរិតស្រាលចុះបិទទីតាំងទទួលទិញផលចោរកម្ម ដកហូតវត្ថុតាងនឹងម៉ូតូជាច្រើនគ្រឿង កាលពីវេលាម៉ោង៤រសៀលថ្ងៃទី២០ខែកុម្ភ:ឆ្នាំ២០២៤ ស្ថិតនៅផ្ទះលេខ៩៤ ផ្លូវ១៩២ក្រុម១០ ភូមិ៤ សង្កាត់ទឹកល្អក់៣ ខណ្ឌទួលគោក រាជធានីភ្នំពេញ។

សមត្ថកិច្ចបានអោយដឹងថា ដោយមានការអនុញ្ញាតិពីលោក គីម ហុងសាន ព្រះរាជអាជ្ញានៃអយ្យការអមសាលាដំបូងរាជធានីភ្នំពេញ មានលោក យិន ភាវិន ក្រឡាបញ្ជី បង្កើតគណៈកម្មការមានសមាសភាពច្រើនរូបទៀតចុះបិតទីតាំងខាងលើដែលទទួលទិញផលចោរកម្ម ធ្វើការដកហូតវត្ថុតាងនិងម៉ូតូជាច្រើនគ្រឿងយកទៅរក្សាទុក។

ប្រតិបត្តិការចុះបិទទីតាំងខាងលើនេះដែរកម្លាំងសមត្ថកិច្ចបានធ្វើការដកហូតវត្ថុតាងនិងម៉ូតូជាច្រើនគ្រឿង បច្ចុប្បន្នម្ចាស់ទីតាំងកំពុងរត់គេចខ្លួន រីឯទីតាំងត្រូវបានបិទជាបណ្ដោះអាសន្ន ចំណែកវត្ថុតាងនិងម៉ូតូដកហូតយកទៅរក្សារទុករងចាំចាត់ការបន្តតាមនិតិវិធី៕