មនុស្សស្លាប់ដោយសារវីរុស Covid-19 ឬកូរ៉ូណាថ្មីនៅចិនកើនឡើងដល់១១១០នាក់នឹងជាង៤៤ ២០០នាក់ឆ្លង !០

btshotnews
ប៉េកាំង៖ គណៈកម្មការសុខាភិបាលនៃប្រទេសចិនបានបញ្ចេញនូវរបាយការណ៍ថ្មី នៅវេលាព្រឹកថ្ងៃពុធ ទី១២ ខែកុម្ភៈ ឆ្នាំ២០២០ នេះដោយបញ្ជាក់ថា ចំនួនមនុស្សស្លាប់ដោយសារវីរុសខូវីដ ១៩ (កូរ៉ូណាថ្មីថ្មី ឬ Covid-19) បានកើនឡើងដល់ ១,១១០នាក់ និងឆ្លងជាង ៤៤,២០០នាក់។ នេះបើតាមការដកស្រង់ពីសារព័ត៌មាន CNA បានធ្វើការចេញផ្សាយនាវេលាព្រឹកថ្ងៃនេះ។
តួលេខខាងលើនេះត្រូវបានស្រង់ចេញពីតាមបណ្តាខេត្ត និងតំបន់នានាចំនួន ៣១ នៅទូទាំងប្រទេសចិន ដែលមានការផ្ទុះឡើងនូវវីរុស Covid-19 ឬកូរ៉ូណាប្រភេទថ្មី។ កាលពីថ្ងៃអង្គារម្សិលមិញនេះ មនុស្ស ៩៤នាក់បន្ថែមទៀតបានបាត់បង់ជីវិត និង ១,០៦៨នាក់ផ្សេងទៀតត្រូវបានរកឃើញថា មានផ្ទុកវីរុស Covid-19 ឬកូរ៉ូណាថ្មី៕