btshotnews
ខេត្តបាត់ដំបង÷ជនសង្ស័យប្រុសស្រីចំនួន០៥នាក់ត្រូវបានកម្លាំងការិយាល័យជំនាញនៃបញ្ជាការដ្ឋានកងរាជអាវុធហត្ថខេត្តបាត់ដំបង ចុះប្រតិបត្តិការឃាត់ខ្លួនពាក់ព័ន្ធក្នុងករណីជួញដូរដោយខុសច្បាប់នូវសារធាតុញៀន ។

កិច្ចប្រតិបត្តិការខាងលើនេះធ្វើឡើងកាលពីចុងសប្តាហ៍កន្លងទៅ នៅចំណុចភូមិកគោ ឃុំជ្រៃ ស្រុកថ្មគោល ខេត្តបាត់ដំបង ដោយបានឃាត់ខ្លួនជនសង្ស័យ០៥នាក់!
១- ឈ្មោះ ផល ឧត្តម ភេទប្រុស អាយុ ២៣ឆ្នាំ មុខរបរគ្មាន មានទីលំនៅភូមិហៃសាន្ត ឃុំជ្រៃ ស្រុកថ្មគោល ខេត្តបាត់ដំបង /២-ឈ្មោះ សេង គឹមហេង ហៅ តឿ ភេទប្រុស អាយុ ១៧ឆ្នាំ មុខរបរគ្មាន រស់នៅភូមិវត្តរំដួល សង្កាត់ចំការសំរោង ក្រុងបាត់ដំបង /៣-ឈ្មោះ រី ដារីន ភេទស្រី អាយុ១៦ឆ្នាំ មុខរបរគ្មាន រស់នៅភូមិព្រែកតាតន់ សង្កាត់ព្រែកព្រះស្តេច ក្រុងបាត់ដំបង /៤-ឈ្មោះ ហេង ចំរើន ភេទប្រុស អាយុ៣២ឆ្នាំ មុខរបរគ្មាន រស់នៅភូមិរតន: សង្កាត់រតន: ក្រុងបាត់ដំបង /៥-ឈ្មោះ ថា ដាវី ភេទស្រី អាយុ១៨ឆ្នាំ មុខរបរគ្មាន រស់នៅភូមិសំរោងក្នុង ស្រុកឯកភ្នំ ខេត្តបាត់ដំបង។

វត្ថុតាងដកហូតរួមមាន! , គ្រឿងញៀនម្សៅក្រាមពណ៌សថ្លា ម៉ាទឹកកក ( ICE ) ចំនួន ១០កពា្ចប់ ទម្ងន់ ១៦៨,៧៥ក្រាម ( ថ្លឹងទាំងថង់ ) ,-គ្រឿងញៀនយ៉ាម៉ាគ្រាប់ ( WY ) ពណ៌ផ្កាឈូក ចំនួន០២គ្រាប់ កន្លះ ទម្ងន់ ០,២១ក្រាម ,- ទូរស័ព្ទដៃចំនួន ០៤គ្រឿង ,- ម៉ូតូចំនួន០២គ្រឿង ,-ជញ្ជីងសម្រាប់ថ្លឹងគ្រឿងញៀនចំនួន ០១គ្រឿង និងឧបករប្រើប្រាស់គ្រឿងញៀនមួយចំនួនទៀត។

បច្ចប្បន្ន ជនសង្ស័យនិងវត្ថុតាងកំពុងឃាត់ខ្លួននៅការិយាល័យជំនាញដើម្បីកសាងសំណុំរឿងចាត់ការតាមនីតិវិធី៕